Test Footer 2


ايــــا م العجب والموت

آدى أيّـام العجـب والـمـوت
جات بسرعه زى غمضة عيـن
ليه ماقلتش زىّ لمْـح البَصَـر
كنت باتقلّـب علـى الجنبيـن
والكابوس من كل جنب يجيبنى
زىّ أعمى يحـسّ لمّـا يجـسّ
ألقى نفسى والاّ اشوف نفسـى
بالتفـت مـن آخـر الدنـيـا
الحميـر بتجرجـر العَـربَـات
السما اللى تحت منهـا حابـات
عند كوبرى أبو العـلا بتشتـى
أنكمش فى جتّتـى مـن البـرد
لسّه حارجع طفل تحت المطـر
وأنحنى ع الأرض وافضل عجوز
اتوهمت الخوف دهسنى الخطـر
كـل شـئ إلا الخيانـه يجـوز
ألبس التوب اللى مـش توبـى
أعمل الممكن مـع المستحيـل
أمشـى زى الخنفسـه و البـد
جنب حيطه فى ركن ع السلّـم
الحـجـر الاصـفـر بيتـألّـم
فيه أثر للعشره مهمـا تهـون
أقبل الظلم اللـى فـى الأشيـاء
والليالـى بخدّهـا المـدهـون
والحياه والناس وحتى فى نفسى
واقرا فى الجرنال كـلام تانـى
وانتقل فى الماضى واستغـرب
وابكـى ع المستقبـل الفانـى
واحمل الضلمـه علـى عينـىَّ
وانتبه من نومى واسمـع نعـى
الزميـل جـوده سعيـد الديـب
إسمه بالكامل يا فجـر الطيـب
اللـى ضاعـت مَّنـى أيّـامـه

وآدى أيّـام العجـب والمـوت

فؤاد حداد


الكلمات النبيلة رسالة عن القلوب البيضاء المفعمة بالحب و العطاء . فلنمنح أنفسنا فرصة الرحيل معها لنمتلئ بكل أسباب الفرح و السعادة@ إدا أعجبك الموضوع أضغط هنا وشير الموضوع وشاركه مع كل اصحابك ومعرفك لنرتقي بمستوي أفضل , أو سجل عن طريق بريدك الإلكتروني لتلقي الجديد مباشرة على بريدك لو كنت مهتم بالآ دب والثقافة ابق معنا دئما علي تواصل @أنا روح لكلمة لا أكثر فلا تجردني العبير و المصدر و تناغم معي لحياة أفضل لا تنسى مشاركة الموضوع إن افادك وشكرا
عزيزي القارئ: الكاتب شمعة تحترق من اجل غد افضل فلا تبخل بابداء رايك في تعليق جديد وتذكر ربما كلماتك تكون البلسم للكثير ونورا في طريق الحقيقة

ليست هناك تعليقات:

إرسال تعليق