يوم زفا فك يا حبيبتي

يوم زفاف حبيبتي


يوم زفاف حبيبتي كان النهاردة
وانا زيي زي كل المدعوين
جى اهنى وجى ابارك للحبايب
والشفايف بس فاكرة كلمتين
مبروك عليكي


مبروك عليكي قدرتى فعلا تخدعيني
مبروك عليا ليالي مرة تشربيني
كاس العذاب كان من ايديكي بشكل تانى
احساس غريب وانتى النهاردة ف يوم زفافك




عملت ناسي وجيت لحد ما قلبي شافك
راسمة الشفايف بابتسامة وضحكة طاله
بتهز فيا تشد قلبي من ضلوعى
وتزق دمعى لجل ما تزود خضوعى

لا مش حبيبتي اللى معاها حلمت اكون
يوصل هوايا وحبي ليها للجنون
وقالتلى ياما حبيبي مش ممكن اخون
لكن خلاص الحب عدى
ولما هدى داس عليا
مصيتي حتي دم قلبي
وسبتي جرحى كانه ذكرى


سيبالي جرحك والعذاب بعدك خديهم
وخدتى فرحى ف الغياب قلبك نسيهم
قبل ما نكتب على روايتك نهاية
اكتب اللقطة الاخير واقول كفاية

باحلف بحبي اللى قسمني وقلت اصونة
من النهاردة اى قلب لازم اخون
حتى لو كان قلب مخلص زى قلبي
ولا اقولك لية حرام يعيش جنونه

مبروك عليكي